Mikro TESE əməliyyatı nədir?
Bəzi hallarda spermada heç bir sperm hüceyrəsinin olmaması müşahidə edilə bilər. Bu vəziyyətin müxtəlif səbəbləri ola bilər. Ən çox rast gəlinən səbəblərdən biri isə sperm kanallarının tıxanmasıdır. Sperm kanalları tıxandıqda testislərdə hər nə qədər sperm istehsalı həyata keçirilsə də, tıxanıqlıq səbəbindən spermada xaricə atılması mümkün olmur. Kanal tıxanıqlığı ilə əlaqəli azospermi xəstələrində incə iynə vasitəsilə tıxalı kanallara və ya testis toxumasına daxil edilərək kiçik parçalar alınır. Alınan bu parçaların içində demək olar ki, həmişə sperm tapılır. Kanal tıxanıqlığı ilə əlaqəli olmayan sperm çatışmazlığı hallarında isə testislərdə sperm istehsalı ya heç olmur, ya da çox məhdud saydadır. Testis daxilində müəyyən bölgələrdə az sayda olan spermlər testis toxumasında yerləşən, sayı minlərlə olan kiçik boru formasındakı strukturlarda müxtəlif mərhələlərdə istehsal olunur. Testis toxumasındakı bəzi borucuklarda heç bir sperm istehsalı olmadığı halda, bəzi borucuklarda az miqdarda sperm mövcuddur. Cərrahi üsullarla aparılan sperm axtarış prosesində testisin müxtəlif bölgələrindən çox sayda parça alınır. Alınan parçalar incələnir və sperm hüceyrəsi axtarılır. Mikro TESE metodu, kanal tıxanıqlığı ilə əlaqəli olmayan sperm çatışmazlığı hallarında istifadə edilən və sperm əldə etmə şansını xeyli artıran bir üsuldur. Spermada sperm hüceyrəsi tapılmayan kişilərdə, Mikro TESE metodu ilə əməliyyat mikroskopundan istifadə edərək sperm olan bölgələr daha asan müəyyən edilir və sperm daha tez və asan əldə olunur.
Mikro TESE prosesində yumurtalıqlar ümumi anesteziya altında açılaraq mikroskopla incələnir. Bu üsul sayəsində yumurtalıqda spermin istehsal olunduğu bölgələr daha dəqiq seçilə bilir, çox sayda parçalar alınır. Embrioloq laboratoriyada bu toxumaları parçalayır və kanallara yayılmış və ya kanallara yapışmış sperm hüceyrələrini ayırır və bunlar mikroinyeksiya prosesində istifadə olunur.
Mikro TESE üsulunun üstünlükləri
Mikroskopla testisin incələnməsi sperm tapma şansını artırır və bu yolla daha çox sperm əldə edilir. Keçmişdə istifadə olunan texnikalarla sperm tapma faizi 30%-dən 40%-ə qədər dəyişirdi, amma indi Mikro TESE texnikası ilə sperm tapma faizi 60%-dən 70%-ə qədər yüksələ bilir! Vacib olan digər məsələ isə xəstənin testisində toxuma itkisinin əvvəlki üsullara nisbətən 70 dəfə daha az olmasıdır. Bu sayədə testislər əməliyyatda minimal zərər görür və testosteron hormonunun qan səviyyəsində azalmasına səbəb ola biləcək proseslərdən qaçınılır.
Mikroskopla aparılan Mikro TESE prosedurunun digər bir üstünlüyü isə testisin qidalanmasını təmin edən damarlar zədələnmədən kəsik atmaq imkanıdır. Bu sayədə əməliyyatdan sonra yaranacaq yan təsirlərin azalması mümkündür. Mikro TESE prosesi, yüksək nisbətdə sperm tapma şansını artıran bir üsuldur, amma bu üsul ilə də sperm tapılmayan xəstələr üçün bu gün ən uyğun süni mayalanma müalicə üsulu sperm donasiyası üsuludur.
